Esta fin de semán andivemos polo val do Ulla, os pés do Pico Sacro.Despois dunha cea longa e pracenteira cos amigos de Lestedo, adormecemos na Casa de Casal, que está en Cachosenande, moi pertiño da casa do convite.
A mañán amenceu cun sol primaveral, bastante normal no val que nos atopamos, xa que din existe un microclima especial, de aí que haxa os mellores camelios do mundo neste comarca, e que houbera laranxas e outros frutais tamén xa bastante cargadiños.
Andivemos polos arredores da casa rural e fixemos a subida obrigada ó Pico Sacro. Na cima o tempo xa che era outro cantar. Cunha vista espectacular sobre o val, adiviñábanse as serras do Caurel e os Ancares polo sitio onde os nuboeiros deixaban ver.
Divisábase o trazado do AVE, as pontes sobre o Ulla e a mina do Serrabal que tamén visitamos para levar unha pedriña do mineral en lembranza. Acudimos a taberna do Portugués para proba-lo país e as súas famosas tapas e decidimos ir a comer a Pontevea que xa pertence o Concello veciño de Teo, de onde se olla a Ponte de Gundián. Dimos conta dunhos codillos guisados dos que só quedaron os ósos, cunhos revoltos con allos e gambas de entrantes exuberantes que aderezamos con un mencía tinto, fresquiño e recuperador do Rioxa nocturno.
7 comentários:
Non se dice "decidimos ir a comer" senón "ir comer".
Bicos. Juan.
Non sei como se dí pero comimos
Anónimo: Tamén non é correcto "Decidimos ir comer". ´
A forma patrimonial galega élle:
"Ordenamos ir comer"
Saúdos para o señor Xaime.
Con os meus cumprimentos, espectral cabaleiro anónimo.
Dígase como se diga o post é ben gorentoso, tomo nota para o próximo guikend, grazas.
A ver home, síganos contando as súas andanzas. Onde vai este fin de heptimana?.
Estou en Pedras Negras, se veñen por aquí comemos peixe e trasegamos Barrantes.
Este fin de semán do primerio de Marzo, vou estar na terras de Camba, cuna dos Churruchaos.
Chamen (609847879) e tomamos un viño de colleita macanudo.
Enviar um comentário