ON A BENDER

Este xoves, 19, a pesares dos impedimentos que saíron por tódolos sitios, presentouse na Galería Sargadelos de Lugo, a traducción o inglés da ESMORGA de Blanco Amor, que fixo o noso amigo Craig Patterson. Foi un luxo para mín compartir un día enteiro en Lugo co inglés. De sorpresa en sorpresa, no acto con un Suso impresionante, con Benxamín Casal que xa coñecía a Craig, e cos amigos que asistiron comprobamos a categoría humana do inglés, o seu amor a Terra, e o compromiso moral que ten con Galicia. Este sí que é bon e xeneroso. Para tí, Craig.

PRAZA PUBLiCA

Onte presentouse na Galería Sargadelos de Lugo, PRAZA PUBLICA, un medio dixital en galego que tenta de escomezar a súa andaina. Tiñan previsto asistir a presentación Filipe Diez, Manuel Martínez Barreiro e Marcos Pérez Pena, pero Manolo por impedimentos de última hora non veu. Encargámonos aquí en Lugo, Xosé Manuel González mais eu, con escaso éxito, hai que dicilo e diante de unha ducia e media de persoas, foise explicando o proxecto Praza Publica. Filipe falou do medio e Marcos do contido, remarcouse o seu carácter galego en galego, progresista e plural, profesional e aberto a achegas exteriores. O coloquio posterior foi un laio polos medios que foron e non son, polo deserto informativo actual na nosa lingoa e pola premura que hai que ter para tapar ese valeiro na rede.


Praza pública é http://www.prazapublica.com/

A GALiCiA INViSiBLE

Asistir a un acto no que interveña Antonio Reigosa é unha delicia, e moito máis se é para a presentación dun libro de seu. Onte na xa obrigada Galería Sargadelos do insuperable Suso, diante de moitos amig@s presentousenos unha Guía da Galicia Invisible, que fala de asulagamentos, afondamentos, soterramentos,evaporacións, mitos e lendas xeográficas que recolle Antonio e ilustra Noemi López, con esa xa tan peculiar visión do invisible.
Manolo Bragado por Xerais fixo a introducción e xustificou a edición desta preciosidade pros sentidos

ANTÓN DOBAO

Onte venres na Libreiria Trama -que grande traballo están a facer os irmáns Coira, que non sei se lles recoñerá suficientemente- presentouse a primeira incursión narrativa dun amigo que é suficientemente coñecido no mundo das letras,, pero que aínda non dera o salto dende a poesía e do audiovisual.
Antón López Dobao, con quen estou emparentado lonxanamente, sempre foi esa tipo de persoas inquedas que che gusta que triunfe, xa que lembro a súa labor impagable como animador cultural no campus universitario de Lugo, nos anos oitenta, e cando daba a cara por Camilo Nogueira.

O acto que contou con unha mesa de postín escomenzou con unhas palabras de Manolo Bragado que xa deixou constancia de que Antón era da casa, xa que leva publicando con Xerais trinta nos, e apuntou que o libro de relatos que presentaba estaba acadando unha importante resposta de público e crítica, loubou ando a proposta de Antón aínda que lle deixou a Miranda que debullara no libro.
Fixo Pepe, unha exposición académica dos relatos, pormenorizando o temario, e quixo que quedara claro o dominio do idioma do autor da coherencia dos relatos e o atisbo de que sen dúbida a obra de Antón e o que se está en chamar Nova Narrativa Galega.
Dario Xohán Cabana, fixo unha exposición sen entrar no fondo da obra, remitíndose a análise profesoral de Miranda, pero engadiu retazos sobor profundidade dos textos, da ficción e da fantasía que está por detrás da realidade, tanto como para recomendar que si se era feliz que non se lera o libro, xa que deixa a un intranquilo.
O que si estaba feliz, e notábaselle, con toda a súa familia diante e en Lugo, era Dobao, que deu as grazas a todos e case sen darnos conta rematou un acto, entretido, ameno, no que se falou de literatura galega de calidade e dunha obra que é millor lela e logo falar dela.

LIMPEZA DE SANGUE

Mañán as oito na Galería Sargadelos, darémoslle a Rubén Ruibal unha pequena homenaxe, que con tempo non era, pola súa obra teatral que recentemente se editou en libro.

Cando me propuxen traer a Rubén para que pasara unhas horas con nós, foi por que o artista ademáis de ser coñecido polas súas obras, ten que ser recoñecido polas súas palavras. Rubén Ruibal é un tesouro para a nosa terra, e témonos que aproveitar que de momento pode acudir a actos como o de mañán.

Alí vos espero. Continuará.

MIGUEL ANXO MURADO

Onte día 10, Xulián Parga que foi quen presidiu o acto, citounos na Galería Sargadelos de Lugo, para a presentación do libro dun amigo e por riba un dos autores máis prolíficos e viaxeiros do noso país.
Miguel Anxo Murado, dende novo xa amosou unha brillantez literaria fora no normal, e ben na creación ou como articulista de prensa, dende os sitios máis perigosos, sempre ca súa independencia deunos o seu punto de vista sobor do terreo onde pisaba e a súa peculiar visión da paisanaxe ca que compartía sangue, suor e bágoas.
Non ía ser menos neste fin de século en Palestina, onde narra a súa propia experiencia nun lugar elixido polo Deus dos xudeus que se estivera a librar a guerra menos entendida e máis estendida do século XX. Conta no papel a cotidianidade da morte, do odio, do apartheid, da exclusión e do racismo.
Sen decantarse por ningún dos contendentes e sempre como embaixador das Nacións Unidas o que lle facilita un salvoconducto de amigo de todos, expón as súas vivencias tal e como foron, sen dramatismos e sen falsas anécdotas épicas.
A preguntas no coloquio aseverou que Israel non precisa de organizacións no seu apoio no occidente europeo, e mesmo lle estrañou a polémica da dos militantes do BNG.

EL JUGADOR DE AJEDREZ

Hoxe foi presentado en Lugo, un libro escrito por unha lucense de nacemento, Olga Romay, filla dos amigos Manolo Romay e Olga Pereira.
A presentación fíxoa José de Cora xa que foi por indicación do pai da escritora dos primeiros que leu o orixinal fai unhos dez anos, e que polo que parece deu o seu plácet de calidade.
“El jugador de ajedrez” foi finalista do premio Torrente Ballester, é unha novela que se remonta a feitos reais que se desenrolan no Lugo, de principios do século XIV, nunha circunstancia histórica de que a cidade estaba excomungada por ter votado os dous bispos anteriores.
O protagonista real da historia Juan Martínez, que chega no ano 1.926 a Lugo, despois de comprar en Avignon, o título de bispo de Lugo, en primeira persoa, vai desgraoando a sociedade luguesa medieval, os seus enfrontamentos con demais membros da curia, co Arcebispo de Santiago, co Rei Alfonso XI, que finalmente o condea a morte sen que se acade a execución.
Corre paralelo a historia real, súa irmá María, que da outra visión completamente distinta da sociedade e do mundo medieval.
A autora segundo dixo considérase máis unha literata que unha historiadora, estando agora traballando nunha novela sobor de Pericles, e segundo di ten máis fontes e documentos que no Lugo do Século XIV

MATALOBOS SENTI_MENTAL_ISTA

O pasado xoves 20 de Decembro, na Galería Sargadelos, presentouse unha obra dun amigo, Manel Matalobos, compañeiro de moitas afeccións e de correrías futboleiras.
O libro entra dentro da etiqueta poesía Senti_MENTAL_ ista que lidera asemesmo o noso común amigo, Manuel Xesús Valcárcel, na editorial bubela, case adicada especialmente a este tipo de traballos literarios.
Recomendo que se lle vote unha ollada o Manifesto Sentimentalista que dende 1996 coa publicación de Animal Sentimental, Dialéctica Sentimental e Práctica Sentimental, polo seu valedor expuxo as súas ideas que Matalobos, sempre dende a súa poética trata de acomodarse.
O acto o que acudiu moita xente, estivo ademais de Manel e Xesús na mesa de presidencia, Xabier Rodríguez Barrio, que leu un traballo sobor da vida e obra de Matalobos, rematando cunha cita de algún poema que lle chamou a atención.
Conta Manel que os poemas naceron do cotián, xurdiron da vida diaria, das novas e das vivencias particulares de cada un e dunha leitura apresurada do libro efectivamente os versos saen espontaneamente sen freo nin censura.